Manau Shadung Maka Hte Lachyum
(A) Manau Dungbye A Lachyum
(1) Hkungrang baw sumla kap ai dumbat hpe ‘Dungbye’ ngu ai.
- Hkungrang baw shakap ai lachyum gaw, Manau Nau yang hkungrang gaw Nau Shawng galaw ai lachyum re.
- Shingjep U sumla shakap ai gaw sumnung shingdi ai htunghking ngu ai lachyum re.
- Bau sumla shakap ai gaw shangwi shapyaw na lachyum re.
- Shata sumla gaw Shata Nat a masat kumla re.
- Jan sumla gaw Jan Nat a masat kumla re.
- Shagan sumla gaw Shagan zawn law htam mayat maya na lachyum re.
- Chying tawt sumla gaw Matsaw Ningtsang Nat ni hpe hkungga dum shapyaw ai hte Sali wunli hpyi la ai lachyum re.
(B) Manau Dungtep A Lachyum
- Manau Dungbye a ntsa kaw na dumbat hpe gaw Manau Dungtep ngu ai.
- Manau Dungtep gaw Manau Shadung hpe ngangkang na matu, shangang ai lachyum re.
- Dai kaw kap ai maka hpe Sut Wahkum Tum Maka ngu ai rai nna, mayat maya chyambra wa na lachyum re.
(C) Manau Shadung A Lachyum (lapai kawn lahkra de)
(1) Lamu Madai Nat hpe masat ai dungla shadung re. Dai kaw kap ai maka hpe ‘Kashun Maka’ ngu ai. Kashun Maka shakap ai lachyum gaw myit hkrum kahkyin gumdin ai lachyum re.
(2) Hta Mahtang Nat hpe masat ai dung-yi shadung re. Dai kaw kap ai maka hpe ‘Shingjep Maka’ ngu ai. Tsawmhtap sumsung shingdi ai Shingjep U hpe kasi la ai lachyum re.
(3) Shata Nat hpe masat ai dungla shadung re. Dai kaw kap ai maka hpe ‘Kashun Maka’ ngu ai.
(4) Jan Nat hpe masat ai dung-yi shading re. Daw kaw kap ai maka hpe ‘Shingjep Maka’ ngu ai.
(5) Mahtum Mahta Wa hpe masat ai dungla maka re. Dai kaw kap ai maka hpe ‘Kashun Maka’ ngu ai.
(6)Ga Nat hpe masat ai dung-yi maka re. Daw kap kap ai maka hpe ‘Shingjep Maka’ ngu ai.
(7) Ginchyai ai shadung lahkawng gaw Madai Nga hpe sat nna, hkungga nawng jau na matu Madai Nga hpe gyit dun tawn na shara re.
(8) Hpang jahtum na ginchyai shadung lahkawng gaw Sut Wahkum hpe noi da na shara re.
References
Published in Kachin
1. Facebook account name: Padang, Posted date: 11.Feb.2017.
2. Hkasha Uma Awng, Jinghpaw Wunpawng Sha Ni A Ningpawt Labau (The History Of The Origin Of Kachin People), Moon Offset, 3rdedition, Myitkyina,2013.
3. Chyang Maja Labau Ka Komiti, Ginru Ginsa Hkrunlam Hte Chyang Maja Labau Laika (The General History Of Their Migration And Clan), Padang Offset, Myoma (78), Myitkyina,6.Sep.2017.
4. Kumhpoi Hkum Munu, Pasi Nhkum Amyu Ni A Labau Hkrang Nhprang, Computer script, 4. Apr.2013.
5. Nga Hkwi La Pa, Shapawng Yawng Sha Ni A Numwawn Numla Hpuja Bang Hkrang Htung Lai Hte Shaman Matan Ga Laika Buk, Computer Script, 2017.
6.Wabaw Zau Rip, Jinghpaw Mung hte Ngai, 6thcomputer script, 2014.
List Of Interviewees
No | Name | Age | Address | Date of interview |
1 | Dinglung Ja Naw | 68 | Shatapru, Myitkyina | 6.Jun.2017 to 18.Mar.2018 |
2 | Nbau Bum Zau Lum | 65 | Shatapru, Myitkyina | 14.Oct.2017 |
3 | Bawm Wang Ja Yaw | 82 | Shatapru, Myitkyina | 21.Feb.2018 |
4 | Shaleng Hkyet Gumja Awng | 70 | Shatapru, Myitkyina | 22.Jun.2017 to 20.Feb.2018 |
5 | Mairawn Lahpai Awng Jat | 66 | Shatapru, Myitkyina | 11.Dec.2017 |
6 | Karing Sing Gyi | 84 | Shatapru, Myitkyina | 12.Feb.2018 |
Comments
Post a Comment